> ## Content Index
> Fetch the complete content index at: https://chhutthauth.in/llms.txt
> Use this file to discover other available public pages before exploring further.

# 2026 KOK-KA BÔ CHÈNG-SIÔNG KOAN-KIÀN PÒ-KÒ
- URL: https://chhutthauth.in/2026-kok-ka-bo-cheng-siong-koan-kian-po-ko/
- Published: 2026-09-14T05:58:59.000Z
- Updated: 2026-09-14T05:58:59.000Z
- Description: 2026 ah, iáu koh-ū 43% ê Tâi-oân bîn-chiòng kám-kak Pe̍h-sek Khióng-pō͘ kan-taⁿ hoat-seng tī 228 sū-kiāⁿ chiân-āu hit kúi-kò-goe̍h nā-tiāⁿ.
- Author: TIATLÊNG
- Tags: SIN-BÛN, LE̍K-SÚ, TÂI-PAK

Tùi 2024 khai-sí pān chit-hō "[KOK-KA BÔ CHÈNG-SIÔNG KOAN-KIÀN PÒ-KÒ](https://www.facebook.com/nTWpf/posts/2024-%E5%9C%8B%E5%AE%B6%E4%B8%8D%E6%AD%A3%E5%B8%B8%E9%97%9C%E9%8D%B5%E5%A0%B1%E5%91%8A%E9%82%81%E5%90%91%E6%88%B0%E7%95%A5%E6%B8%85%E6%99%B0%E7%9A%84%E5%9C%8B%E5%AE%B6%E6%AD%A3%E5%B8%B8%E5%8C%96%E4%B9%8B%E8%B7%AF%E8%BE%9C%E5%AF%AC%E6%95%8F%E5%9F%BA%E9%87%91%E6%9C%83%E4%BB%8A15%E6%97%A5%E4%B8%8A%E5%8D%88%E6%96%BC%E5%8F%B0%E5%A4%A7%E6%A0%A1%E5%8F%8B%E6%9C%83%E9%A4%A8%E5%8F%AC%E9%96%8B-2024-%E5%9C%8B%E5%AE%B6%E4%B8%8D%E6%AD%A3%E5%B8%B8%E9%97%9C%E9%8D%B5%E5%A0%B1%E5%91%8A%E9%82%81%E5%90%91%E6%88%B0%E7%95%A5%E6%B8%85%E6%99%B0%E7%9A%84%E5%9C%8B%E5%AE%B6%E6%AD%A3%E5%B8%B8%E5%8C%96%E4%B9%8B%E8%B7%AF-%E8%A8%98/936243028531282/)" ê Ko͘ Khoan-bín Ki-kim-hōe, cha-hng 13 hoat-piáu [2026 ê tiau-cha](https://newtalk.tw/news/view/2026-09-14/1059578?ref=chhutthauth.in). Chit-pái kap Tong-ngô͘ Chèng-tī-hē ha̍p-chok, chhiáⁿ Chèng-tāi Soán-giân Tiong-sim chò bîn-tiāu. Ū kui-hāng sò͘-jī lán ta̍t-tit chò-hóe lâi khòaⁿ.

- 53.7% Oân-choân bô thiaⁿ-kòe 228 liáu ê "Chheng-hiong"
- 42.9% M̄-bat thiaⁿ-kòe N̂g Bûn-hiông kap 424 Chhèng-sat Chiúⁿ Keng-kok ê tāi-chì
- 39.6% M̄-chai-iáⁿ Sú Bêng kap "Tâi-oân-lâng 400 Nî Sú"
- 36.3% Bô thiaⁿ-kòe Tiong-le̍k Sū-kiāⁿ
- 34.4% M̄-chai sím-mi̍h sī O͘-miâ-toaⁿ
- 29.5% M̄-bat thiaⁿ-kòe Tân Bûn-sêng sū-kiāⁿ

Kin-nî ê pò-kò, hō͘ chhái-hóng ê [82.5% ū tāi-ha̍k ê ha̍k-le̍k](https://www.youtube.com/watch?v=qYEqo1sYmvM&ref=chhutthauth.in), chia-ê lâng m̄-bat Tâi-oân bîn-chú-hòa ê le̍k-sú soah tian-tò khah liáu-kái khò-pún ū teh kà ê Cha̍p-tōa Kiàn-siat, thè-chhut Liân-ha̍p-kok, 823 Phàu-chiàn.

M̄-kú mā ū 7 siâⁿ ê lâng jīn-ûi liáu-kái [kok-ka pō͘-le̍k](https://newtalk.tw/news/view/2026-09-14/1059578?ref=chhutthauth.in) kài tiōng-iàu, 6 siâⁿ kám-kak ài chhú-lí tòng-sán khah kong-pêⁿ. Ki-kim-hōe ǹg-bāng ha̍k-hāu kàu-io̍k tō-ài kā chu-goân pun hō͘ hó-sè, pau-khoat sin-seⁿ ê chai-pôe lóng sī ki-pún kang-têng chi it.