> ## Content Index
> Fetch the complete content index at: https://chhutthauth.in/llms.txt
> Use this file to discover other available public pages before exploring further.

# BÎN-CHIÒNG-TÓNG CHHŌA-THÂU KÎ-SĪ CHHIÚ-GÍ
- URL: https://chhutthauth.in/bin-chiong-tong-chhoa-thau-ki-si-chhiu-gi/
- Published: 2026-09-07T12:27:27.000Z
- Updated: 2026-09-07T12:27:27.000Z
- Description: Bîn-chiòng-tóng Tân Tì-hâm kap Khó͘ Hú ēng m̄-tio̍h ê chhiú-gí "pe̍h-chhi" lâi khau-sé Sím Pe̍k-iông "Tâi-pak sūn khí-lâi," hō͘ ta̍k-ê kóng bô chúi-chún.
- Author: TIATLÊNG
- Tags: SIN-BÛN, CHÈNG-TĪ, TÂI-PAK

Tâi-oân Bîn-chiòng-tóng Li̍p-hoat-īⁿ Tóng-thoân chú-jīn Tân Tì-hâm tī in khan-chhiú ê Iú-thū-bí siāng-sî hòng-sàng sî, chiong Sím Phek-iông ê "[Tâi-pak Sūn khí-lâi](https://www.youtube.com/shorts/LP46YY2YtqE?ref=chhutthauth.in)" tòng-chò sī "[pe̍h-chhi](https://www.upmedia.mg/tw/focus/politics/268236?ref=chhutthauth.in)." M̄-nā bô lí-kái Tâi-oân chhiú-gí ê hoat-tián, koh hō͘-lâng mē che ū-kàu bô chúi-chún, kā lâng kî-sī. 

Chá-chêng bat chò-kòe Tong-sim chú-pò, koh sī Tâi-pak chhī tē 3 soán-khu (Siông-san, Sìn-gī) ê Khó͘ Hú chò-hóe teh soan-thoân soán-kí ê chiat-bo̍k tiong, chhùi kóng pe̍h-chhi, chhiú pí Tâi-pak sūn khí-lâi. Khó͘ Hú bô sûi-sî kā chit-ê tōng-chok tòng teh, koh ēng Tiong-kok-ōe kóng: "[Ū-kàu hó-chhiò](https://www.facebook.com/reel/1377043344625401)." Í-keng tek-sit kài-chē jio̍k-sè ê lâng kap ka-têng.

Lán ài siūⁿ khòaⁿ-māi, chóaⁿ-iūⁿ nn̄g-ūi lóng bat chò-kòe mûi-thé ê lâng liân chit-hō ki-pún ê tì-sek tō bô? Sī in chheh tha̍k bô kàu-gia̍h, ā-sī tī sin-bûn-tâi bô siū thiàⁿ jio̍k-sè ê hùn-liān? Kin-á-ji̍t chiah-ū hoat-tō͘ ēng án-ni ê hong-sek lâi khi-hū bô hoat-tō͘ thiaⁿ-kìⁿ ê lâng. Chhiú-gí sin-seⁿ A-sìn mā tah chi̍t-ê iáⁿ-phìⁿ hôe-èng: "[Bô chúi-chún](https://www.threads.com/share/IGOFZKIH3/?ref=chhutthauth.in)."