> ## Content Index
> Fetch the complete content index at: https://chhutthauth.in/llms.txt
> Use this file to discover other available public pages before exploring further.

# CHÈNG-TĪ TÒNG-ÀN SIÁ-Ê BÔ IT-TĒNG TŌ-SĪ SŪ-SI̍T
- URL: https://chhutthauth.in/cheng-ti-tong-an-sia-e-bo-it-teng-to-si-su-sit/
- Published: 2026-08-15T18:39:17.000Z
- Updated: 2026-08-15T18:39:17.000Z
- Description: Kin-nî, Kok-an-kio̍k só͘-ū ki-bi̍t tòng-àn kái-bi̍t kau-hō͘ Tòng-àn-koán. Tng ta̍k-ê teh lia̍h jiáu-pê-á-sî, chhiáⁿ tāi-seng o̍h ē-hiáu án-ná kái-tho̍k chèng-hú chu-liāu.
- Author: TIATLÊNG
- Tags: SIN-BÛN, TÂI-TIONG, CHÈNG-TĪ, LE̍K-SÚ

Kīn-lâi, bē-chió lâng khai-sí teh lia̍h jiàu-pê-á. Tiong-bûn ū chi̍t-ê sin ê bêng-sû hō-chò "Tóng-kok Hia̍p-le̍k-chiá," ì-sù tō-sī tī Kài-giâm sî-tāi thè ui-khoân chèng-hú, Tiong-kok Kok-bîn-tóng hōaⁿ-ê Tiong-hoa-bîn-kok tàu-saⁿ-kāng ê lâng.

Tāi-chì sī tùi kin-nî 2 goe̍h [Kok-an-kio̍k kā só͘-ū ki-bi̍t tòng-àn kái-bi̍t](https://www.cna.com.tw/news/aipl/202602230124.aspx?ref=taitokchi.com). M̄-kú, nā m̄-sī ē-hiáu [tha̍k tòng-àn](https://www.twreporter.org/a/political-archives-and-national-security-system-clash?ref=chhutthauth.in), ā-sī m̄-bat chò-kòe le̍k-sú gián-kiù ê it-poaⁿ bîn-chiòng, hoān-sè ē lia̍h m̄-tio̍h lâng khì.

8 goe̍h chhe 10 bat-ū bîn-chiòng tâu-kó khì "CHŪ-IÛ SÎ-PÒ" ê "CHŪ-IÛ PHÊNG-LŪN-BĀNG" lūn "[Sòaⁿ-bîn (jiàu-pê-á) kám-ài kā i ê chióng bán-khì?](https://talk.ltn.com.tw/article/breakingnews/5532337?ref=taitokchi.com)" M̄-nā 4 goe̍h [Lo̍h Bú-chhiong](https://www.mirrormedia.mg/external/dailycolumn%5F54273?ref=taitokchi.com) (Tiong-kok Kok-bîn-tóng Chú-se̍k Tēⁿ Lē-bûn ê Khan-chhiú) hō͘ lâng chhōe-chhut, hoān-sè i sī thè [Tiau-cha-kio̍k](https://news.ltn.com.tw/news/politics/breakingnews/5398923?ref=taitokchi.com) tī ha̍k-hāu kā kâng kàm-sī ê sin-lô. 7 goe̍h koh pò kóng Bîn-chú Chìn-pō͘-tóng li̍p-úi [Ông Tēng-ú](https://newtalk.tw/news/view/2026-07-17/1047734?ref=chhutthauth.in) mā tī tòng-àn lāi-té ū kì i ê pún-miâ.

[Tòng-àn-koán](https://news.ltn.com.tw/news/politics/breakingnews/5540585?ref=chhutthauth.in) kap Jîn-khoân-koán ūi-tio̍h hō͘ lâng thang liáu-kái chia-ê bûn-kiāⁿ, chò-hóe pān oa̍h-tōng, kà ta̍k-ê án-ná tha̍k, án-ná chèng-tī, le̍k-sú, kok-ka tòng-àn. Koh kiông-tiau lán ài chai-iáⁿ, tòng-àn ū-sî chu-liāu bô oân-choân, kì-ê jī mā bô it-tēng tō-sī sū-si̍t. Sīm-chì tāi-to-sò͘ ê bûn-kiāⁿ lóng-sī khiā ka-hāi-chiá ê li̍p-tiûⁿ lâi siá-ê. [Tō Chhian-bān m̄-thang o͘-pe̍h khòaⁿ-tio̍h o͘-iáⁿ tō khui-chhèng](https://www.cna.com.tw/news/acul/202608140269.aspx?ref=chhutthauth.in). Ài keng-kòe tiau-cha, pí-kàu bîn-kan kî-thaⁿ ê chu-liāu. Án-ni, chiah-ū hoat-tō͘ chèng-bêng khah oân-chéng ê le̍k-sú pōe-kéng.

Mā mài pàng bē-kì-tit, tû-liáu teh tàu-saⁿ-kāng ê lâng. Siōng chheng-chhó͘ ê ui-khoân: [Tiong-kok Kok-bîn-tóng](http://taiwantrc.org/%E4%B8%80%E8%90%AC%E5%A4%9A%E4%BA%BA%E5%8F%97%E5%AE%B3-%E7%82%BA%E4%BD%95%E6%B2%92%E5%8A%A0%E5%AE%B3%E8%80%85/?ref=chhutthauth.in), iáu-koh tī-teh. Hōaⁿ kài-giâm sî-tāi ê [Chiúⁿ-ka mā iáu hō͘ Tiong-hoa-bîn-kok ho̍k-sāi](https://taitokchi.com/chu-o-phoat-chhat-an/?ref=chhutthauth.in). Tō chhiáⁿ lia̍t-ūi tho̍k-chiá chim-chiok kā tòng-àn khòaⁿ-hō͘ siông-sè, kî-thāi lán ē-tàng chi̍t-pō͘ chi̍t kha-ìn, kā Choán-hêng Chèng-gī ê lō͘ pháng hō͘ hó-sè.