> ## Content Index
> Fetch the complete content index at: https://chhutthauth.in/llms.txt
> Use this file to discover other available public pages before exploring further.

# CHOÂN-TÂI ÛI-IT Ê CHHIŪ-LÊNG-THAH
- URL: https://chhutthauth.in/choan-tai-ui-it-e-chhiu-leng-thah/
- Published: 2026-08-16T16:12:08.000Z
- Updated: 2026-08-16T16:12:08.000Z
- Description: 1935 siat-li̍p ê chit-hō pi, sī ūi-tio̍h beh an-tah chhò-chhâ kòe-óng ê kang-lâng, kap 10 bān châng hō͘ chèng-hú chhò ê chhiū-á.
- Author: TIATLÊNG
- Tags: SIN-BÛN, KA-GĪ, LE̍K-SÚ, BÛN-HÒA

Chhit-goe̍h chhe 5 ah. Bîn-kan koàn-sio̍k ê Phó͘-tō͘ chòe-kūn ū bûn-hòa ho̍k-heng ê hiān-siōng. Chhiūⁿ kòa [Phó͘-tō͘-teng](https://www.threads.com/@tower%5Fshon/post/Db8vUHyATap?ref=taitokchi.com), kap bat [Tāi-sū-iâ](https://www.threads.com/@frmanhe/post/DcDVSarEuWB?ref=taitokchi.com) sī sím-mi̍h. Lán Tâi-oân bē-chió só͘-chāi tû-liáu ū pài ti-á, ke-á chiah-ê tōng-bu̍t ê kì-liām-pi. Tī A-lí-san, ū choân Tâi-oân ûi-it ê "[CHHIŪ-LÊNG-THAH](https://nchdb.boch.gov.tw/assets/overview/monument/20090302000003?ref=taitokchi.com)."

Lán m̄-chai [pài tōng-bu̍t ê pi](https://nchdb.boch.gov.tw/assets/advanceSearch/antiquity/20071002000001?ref=taitokchi.com) tùi tang-sî khai-sí, m̄-kú ē-tàng tùi 1937 "[TÂI-OÂN JI̍T-JI̍T SIN-PÒ](https://collections.culture.tw/Object?SYSUID=107&RNO=MjAxNjAwMTA0Mjg=&ref=taitokchi.com)" pò kóng choân-tó [SIŪ-HÛN-PI](https://www.facebook.com/Kitanimals.org/posts/%E5%89%8D%E5%85%A9%E7%AF%87%E6%88%91%E5%80%91%E4%BA%86%E8%A7%A3%E5%88%B0-%E7%95%9C%E9%AD%82%E7%A2%91-%E7%9A%84%E6%AD%B7%E5%8F%B2%E5%8F%8D%E6%98%A0%E4%BA%86%E4%BA%BA%E9%A1%9E%E5%B0%8D%E7%94%9F%E5%91%BD%E7%9A%84%E6%84%A7%E7%96%9A%E5%92%8C%E5%8F%8D%E6%80%9D%E6%88%91%E5%80%91%E5%BE%9E%E5%8C%97%E9%83%A8%E7%9A%84%E6%9D%BE%E5%B1%B1%E5%8C%97%E6%8A%95%E8%B5%B0%E5%88%B0%E6%9C%A8%E6%9F%B5%E5%8F%B0%E4%B8%AD%E8%88%87%E5%BD%B0%E5%8C%96%E6%8E%A5%E4%B8%8B%E4%BE%86%E6%88%91%E5%80%91%E5%B0%87%E5%B8%B6%E6%82%A8%E8%B5%B0%E9%80%B2%E5%8F%B0%E7%81%A3%E5%8D%97%E9%83%A8%E8%A6%8B%E8%AD%89%E9%80%99%E6%AE%B5%E5%85%85%E6%BB%BF%E6%AE%98%E9%85%B7%E7%9A%84%E6%AD%B7%E5%8F%B2-%E5%98%89%E7%BE%A9%E5%B8%82%E9%A6%99%E6%B9%96/800763648902784/) liân-sòa siat-li̍p. Thong-siông chhāi sī thâi-ti thâi-ke ê só͘-chāi piⁿ-á. Kám-siā in sìⁿ-miā hiàn hō͘ jîn-lūi. Tī A-lí-san téng ê CHHIŪ-LÊNG-PI, mā-sī án-ni-siⁿ. Ūi-tio̍h kì-liām hō͘ chèng-hú chhò-tiāu ê 10 bān châng chhiū-á kap 77 ê tī chhò chhiū-á sí-khì ê Tâi-oân-lâng, Ji̍t-pún-lâng.

Ū lâng kóng hit-chūn Ji̍t-pún sî-tāi tī sòaⁿ-téng ê kang-lâng, chē-chē m̄-chai tit-tio̍h sím-mi̍h pīⁿ tō sí-khì. Koh-khah thoân-soat-tek ê sī [liân chú-pn̄g, bí lóng chiâⁿ-chò âng-ê](https://www.setn.com/news/132015?ref=taitokchi.com). Tāi-ke kiaⁿ-hiâⁿ, hoān-sè hō͘ Ji̍t-pún chèng-hú ap-le̍k, tī 1934 kí-pān [CHHIŪ-LÊNG-CHÈ](https://www.ntl.edu.tw/public/Attachment/0851457670.pdf?ref=taitokchi.com), keh-tńg-nî siat-li̍p hit-hō pi.

Tng lán tùi soaⁿ-nâ tit-tio̍h chu-goân, tō m̄-thang bē-kì-tit mā-ài kā hêng tò-tńg-khì. Chhiūⁿ chá-chêng "[Chhò chi̍t-châng chhiū-á tō-ài chèng chi̍t-châng chhiū-á tńg-khì](https://www.threads.com/@weng.anli/post/DZHsQ3CGpoM/%E7%A0%8D%E4%B8%80%E6%A3%B5%E6%A8%B9%E5%B0%B1%E5%BF%85%E9%A0%88%E7%A8%AE%E5%9B%9E%E4%B8%80%E6%A3%B5%E6%A8%B9%E5%B0%8F%E6%99%82%E5%80%99%E5%9C%A8%E6%9E%97%E5%8B%99%E5%B1%80%E4%B8%8A%E7%8F%AD%E7%9A%84%E5%A4%96%E5%85%AC%E5%B0%B1%E5%B8%B8%E5%B8%B8%E8%AA%AA%E6%97%A5%E6%9C%AC%E6%99%82%E4%BB%A3%E6%97%A5%E6%9C%AC%E6%94%BF%E5%BA%9C%E8%A6%8F%E5%AE%9A%E7%A0%8D%E4%B8%80%E6%A3%B5%E6%A8%B9%E5%B0%B1%E5%BF%85%E9%A0%88%E7%A8%AE%E5%9B%9E%E4%B8%80%E6%A3%B5%E6%A8%B9%E6%88%91%E7%B5%82%E6%96%BC%E6%89%BE%E5%88%B0%E5%8F%B2%E6%96%99%E5%A0%B1%E5%B0%8E%E4%BA%86%E8%87%BA%E7%81%A3%E7%9A%84%E6%A8%B9%E5%88%B0%E5%BA%95%E8%A2%AB%E8%AA%B0%E7%A0%8D%E5%85%89%E4%BA%86%E6%A8%9F%E6%A8%B9%E9%80%A0%E6%9E%97%E3%81%AB%E5%B0%B1%E3%81%A6%E9%97%9C%E9%8D%B5/?ref=taitokchi.com)" ê cheng-sîn, chhiūⁿ Lìm Sên-siòng (Lîm Seng-siông) bat hoah-e "[Kā ka-tī chèng tò-tńg-lâi](https://www.peopo.org/news/339283?ref=chhutthauth.in)" án-ni. Kap tōng-bu̍t, hoe-chháu chò-hóe seng-oa̍h. M̄-sī ēng chit-chióng bô tùi bī-lâi hū-chek ê [chah ji̍t-thâu ê sòaⁿ](https://e-info.org.tw/node/243660?ref=taitokchi.com) ké-chò būn-tê tō kái-koat ah.