> ## Content Index
> Fetch the complete content index at: https://chhutthauth.in/llms.txt
> Use this file to discover other available public pages before exploring further.

# GOE̍H-KÁNG BÚ-BIŌ ENG-ÀM POAᴺ-HÌ
- URL: https://chhutthauth.in/goeh-kang-bu-bio-eng-am-poa-hi/
- Published: 2026-09-04T11:19:17.000Z
- Updated: 2026-09-04T11:19:17.000Z
- Description: Eng-àm 19:00 tī Tiō Kiàn-bêng ê kò͘-hiong Kiâm-chúi ū chi̍t-chhut Pau-kong hì thang khòaⁿ. Ǹg-bāng hō͘ lâng chai-iáⁿ bô-chêng ê lâng ê bóe-lō͘.
- Author: TIATLÊNG
- Tags: SIN-BÛN, TÂI-LÂM, BÛN-HÒA

Tùi 8 goe̍h té khai-sí it-ti̍t hō͘ mûi-thé pò ê [Tiō Kiàn-bêng kàu-io̍k ki-kim sū-kiāⁿ](https://www.mirrormedia.mg/story/20260814edi023?ref=chhutthauth.in), tek-sit bē-chió lâng. Sīm-chì koh-ū Tâi-lâm-lâng goān-ì the̍h-chîⁿ chhut-lâi pān oa̍h-tōng, lâi kā Tân Hēng-jû sio-thīn. Siōng tiōng-iàu tō-sī chit-hō hō-chò "[Cha̍h-bí Gē-su̍t Chiat](https://www.mnews.tw/story/20260904sot1837001?ref=chhutthauth.in)" sio-liân-sòa ê piáu-ián, chhiáⁿ koa-á-hì thoân poaⁿ po̍k-chêng-lông ê kò͘-sū. Ǹg-bāng hō͘ lâng chai-iáⁿ khi-hū cha-bó͘-lâng ê le̍k-sú.

Eng-àm 9 goe̍h chhe 4, tī Kiâm-chúi Goe̍h-káng Bú-biō sī thâu chi̍t-tiûⁿ piáu-ián. M̄-nā ē-tàng bián-chîⁿ khòaⁿ [Pau-kong hì](https://www.instagram.com/p/Dcx82D-tED3/?ref=chhutthauth.in), koh-ū 5[00 óaⁿ ê ló͘-mī](https://www.threads.com/@yisatsai/post/Dc3J7edHenj/%E6%88%91%E6%B2%B3%E9%81%93%E7%9B%AE%E5%89%8D%E6%BB%BF%E6%BB%BF%E8%A2%AB%E8%BB%8A%E7%89%8C%E6%B4%97%E7%89%88%E4%B8%AD%E9%B9%BD%E6%B0%B4%E6%9A%96%E8%BA%AB%E5%A0%B4%E6%89%93%E6%BB%B7%E9%BA%B5500%E4%BB%BD%E5%BF%AB%E5%8E%BB%E9%A0%98%E4%BE%86%E5%90%83%E5%B9%B3%E5%AE%89%E8%AC%9D%E8%AC%9D%E7%9B%9B%E6%98%8C-shengchang963-%E9%82%84%E6%9C%8950%E5%88%86%E9%90%98%E6%BA%96%E5%82%99%E9%96%8B%E6%88%B2/?ref=chhutthauth.in) thang chia̍h. Koh-khah tiōng-iàu ê sī, tú-hó kin-á-ji̍t khai-sí thiⁿ-khì khah ún-tēng. Ji̍t-thâu chhut-lâi, tāi-ke m̄-bián tī hō͘ nih khòaⁿ hì.

Chóaⁿ-iūⁿ kéng tī Kiâm-chúi? In-ūi chia sī Tiō Kiàn-bêng ê kò͘-hiong. [9 goe̍h 18 kàu 22](https://www.upmedia.mg/tw/lifestyle/food/267874?ref=chhutthauth.in) koh-ē ū kài-chē oa̍h-tōng tī Hú-siâⁿ Tâi-lâm kí-pān. M̄-nā kā le̍k-sú kò͘-sū the̍h chhut-lâi kàu-io̍k (chhiūⁿ Nâ-tâu-chí), koh hō͘ thoân-thóng gē-su̍t kap hiān-tāi-lâng chò kiat-liân. Bāng-lō͘ téng í-keng ū bē-chió gōa-tē-lâng sio-chio beh lâi chham-ka.