> ## Content Index
> Fetch the complete content index at: https://chhutthauth.in/llms.txt
> Use this file to discover other available public pages before exploring further.

# KA-GĪ PI-Á-THÂU SIŪ-HÛN-PI TÁN-THĀI BÛN-CHU SIN-HŪN
- URL: https://chhutthauth.in/ka-gi-pi-a-thau-siu-hun-pi-tan-thai-bun-chu-sin-hun/
- Published: 2026-08-26T14:29:52.000Z
- Updated: 2026-08-26T14:29:52.000Z
- Description: Tiong-goân Phó͘-tō͘, m̄-nā khoán-thāi hó-hiaⁿ-tī. Ka-gī chia iáu-koh pó-chûn pài gû, ti, ke chia-ê tōng-bu̍t ê koàn-sio̍k.
- Author: TIATLÊNG
- Tags: SIN-BÛN, BÛN-HÒA, KA-GĪ

Chhàng-tī Ka-gī Pi-á-thâu Kong-hn̂g lāi-té ê "[SIŪ-HÛN-PI](https://www.kitanimals.org/posts/344?ref=taitokchi.com)," tī 1938 (Chiau-hô 13 nî) siat-li̍p. Su-tong-sî, chit-tàⁿ sī thâi-ti thâi-gû ê só͘-chāi. Ji̍t-pún-lâng ê siong-hōe siat chit-hō pi, lâi kì-liām hi-seng ê gû kap ti. Chāi-tē-lâng āu-lâi kā i hō-chò Siū-hûn-kong, [Siū-hûn-má](https://chuchiyuan.pixnet.net/blog/posts/9560799349?ref=taitokchi.com). Tī 1988 thâi [cheng-seⁿ](https://tcmb.culture.tw/zh-tw/detail?indexCode=Culture%5FObject&id=251308&ref=taitokchi.com) ê kang-chhiúⁿ sóa-cháu chìn-chêng, iáu-koh ū lâng teh pài. Chit-má kan-taⁿ chhun chá-sî-á chò ūn-tōng ê lâng, ū-sî ē lâi liam-hiuⁿ. Sǹg-sǹg teh, chit-ê pi mā 88 tang ah!

Tī Chhit-goe̍h cha̍p-gō͘ chìn-chêng, tē-hng ǹg-bāng chèng-hú ē-sái kā chit-hō pi pó-chûn lo̍h-khì, [hō͘ i ū chi̍t-ê bûn-hòa chu-sán ê sin-hūn](https://udn.com/news/story/7266/9714495?from=searchresult&ref=taitokchi.com). Chhī-chèng-hú hôe-èng, nā ū lâng ā-sī thoân-thé thê-kióng chu-liāu, sin-chhéng, lóng ē chiàu hoat-lu̍t lâi kiâⁿ.

Ka-gī chia kán-ná iáu-koh pó-chûn pài siū-hûn-pi ê koàn-sio̍k. Chhe-it sî, [Thài-pó](https://taitokchi.com/tok-news-2026-8-13/?ref=chhutthauth.in) mā-ū chèng-hú thoân-thé chhōa-niá kì-liām. M̄-nā phó͘-tō͘ lâng, mā phó͘-tō tōng-bu̍t. Tiāⁿ-tio̍h kap chāi-tē sán-gia̍p hoat-tián ū chin-tōa ê koan-hē tī-teh.