> ## Content Index
> Fetch the complete content index at: https://chhutthauth.in/llms.txt
> Use this file to discover other available public pages before exploring further.

# KAN-TAᴺ HÚ-SIÂᴺ PHÓ͘-TŌ͘ CHIAH-Ū Ê BÍ-KO-CHHIÁN
- URL: https://chhutthauth.in/kan-ta-hu-sian-pho-to-chiah-u-e-bi-ko-chhian/
- Published: 2026-09-05T09:25:27.000Z
- Updated: 2026-09-05T09:25:27.000Z
- Description: Ē-tàng chia̍h ê bûn-hòa chu-sán! Kan-taⁿ kū-le̍k 7 goe̍h phó͘-tō͘ pài-pài chiah ū ê Bí-ko-chhián, kā chhoe-kóe ê le̍k-sú thòaⁿ lo̍h-khì.
- Author: TIATLÊNG
- Tags: SIN-BÛN, BÛN-HÒA, THOÂN-THÓNG, TÂI-LÂM

Kin-nî sin-le̍k chhit-goe̍h hō͘ Tâi-lâm chhī chèng-hú lia̍t-chò [bûn-hòa chu-sán](https://www.cna.com.tw/news/acul/202607080054.aspx?ref=chhutthauth.in) ê "[Bí-ko-chhián](https://www.dropbox.com/scl/fi/006zi39xsjt5j0q594733/Screenshot-2026-09-05-at-17.21.42.png?rlkey=0jz3en44in7gh9d8ljg1pgltu&dl=0&ref=chhutthauth.in)" kan-taⁿ tī Phó͘-chè-tiān thâu-chêng ê N̂g-ka ū teh chò, bo̍k-chiân í-keng thoân-sêng saⁿ-tāi ah! N̂g Tông-san kap N̂g Thài-lông mā hō͘ bûn-hòa-kio̍k jīn-tēng chò ki-su̍t pó-chûn ê sai-hū.

![](https://storage.ghost.io/c/d9/be/d9beecaa-54d7-4a90-9045-49df7e44ac4f/content/images/2026/09/3.-------------------------------------------------------------------------------------------------------------------------------1.jpg)

SIÒNG-PHÌᴺ © TÂI-LÂM CHHĪ CHÈNG-HÚ

Nā khòaⁿ An-pêng Sêng-hông Biō, Lo̍k-ní-mn̂g Sèng-bó͘-biō chiah ē chò-khah tōa oa̍h-tōng ê keng-biō, lóng it-tēng ē kap in [N̂g-ka](https://www.youtube.com/watch?v=5fpZuxrhf1M&ref=chhutthauth.in) kiò Bí-ko-chhián. M̄-nā kā Tâi-oân chia̍h-bí, [chhoe-kóe ê bûn-hòa](https://talk.ltn.com.tw/article/breakingnews/1513589?ref=chhutthauth.in) thòaⁿ lo̍h-khì, koh ū kang-hu kap bîn-sio̍k, sìn-gióng ê kè-ta̍t.

![](https://storage.ghost.io/c/d9/be/d9beecaa-54d7-4a90-9045-49df7e44ac4f/content/images/2026/09/5.2025---------------------------------------------------------------------------------------------------------------.jpg)

SIÒNG-PHÌᴺ © TÂI-LÂM CHHĪ CHÈNG-HÚ

2025 in-ūi khiàm ti, [Si-la-iah](https://www.twtainan.net/zh-tw/event/newsdetail/8046/?ref=chhutthauth.in) bô ti thang-pài. N̂g-ka mā sio-thīn, ēng bí chò ti ê hêng hō͘ in thang pài-pài. Sī chin bô kán-tan ê ha̍p-chok, mā kiōng-tông pó͘-hō͘ chāi-tē thoân-thóng bûn-hòa.