> ## Content Index
> Fetch the complete content index at: https://chhutthauth.in/llms.txt
> Use this file to discover other available public pages before exploring further.

# TAKLUK "PA̍T-Á-TÔAᴺ SŪ-KIĀᴺ" TIT-TIO̍H PÊNG-HOÁN
- URL: https://chhutthauth.in/takluk-pat-a-toan-su-kia-tit-tioh-peng-hoan/
- Published: 2026-08-15T13:48:47.000Z
- Updated: 2026-08-15T13:55:16.000Z
- Description: 1961 ū chi̍t-ūi kéng-chhat kap soan-kàu-su kiat oan-siû. Chhàng pa̍t-á-tôaⁿ tī in tau, hāi lóng-chóng 5 ê sìn-tô͘ siū lêng-tī.
- Author: TIATLÊNG
- Tags: SIN-BÛN, HOA-LIÂN, LE̍K-SÚ, CHÈNG-TĪ

Kin-á-ji̍t tī [Takluk](https://www.facebook.com/1865pct/posts/1961%E5%B9%B4%E5%B8%83%E8%BE%B2%E6%97%8F-%E7%9A%84-%E5%8D%93%E6%A8%82%E9%83%A8%E8%90%BD-%E7%99%BC%E7%94%9F%E8%AD%A6%E5%93%A1%E8%AA%A3%E9%99%B7%E4%BA%94%E5%90%8D%E6%95%99%E6%9C%83%E4%BA%BA%E5%A3%AB%E7%9A%84%E6%89%8B%E6%A6%B4%E5%BD%88%E4%BA%8B%E4%BB%B6%E8%92%99%E4%B8%BB%E6%81%A9%E5%85%B8%E6%B2%88%E9%87%91%E7%A6%8F%E5%BC%B5%E5%9C%8B%E5%93%81%E5%BC%B5%E5%9C%8B%E8%88%88%E9%AB%98%E5%89%87%E9%80%9A%E7%94%B0%E6%A8%B9%E8%97%A4%E7%AD%89%E5%8F%97%E9%9B%A3%E5%89%8D%E8%BC%A9%E5%A0%85%E6%8C%81%E5%80%9A%E9%9D%A0%E4%B8%8A%E5%B8%9D%E5%9C%A8%E7%8D%84%E4%B8%AD%E8%A6%8B%E8%AD%89%E5%A5%87%E8%B9%9F%E4%BA%8B%E4%BB%B6%E7%B5%90%E6%9D%9F%E5%BE%8C%E5%9B%9E%E6%AD%B8%E9%83%A8%E8%90%BD/1470436901775948/) (Toh-lo̍k) Kàu-hōe kí-pān chi̍t-hāng oa̍h-tōng, beh siat-pi, pêng-hoán 1961 hit-tang tī chia hoat-seng ê "Pa̍t-á-tôaⁿ Sū-kiāⁿ." Tâi-oân Ki-tok Tiúⁿ-ló Kàu-hōe [Chóng-hōe Le̍k-sú Úi-oân-hōe](https://www.facebook.com/1865pct/posts/1961%E5%B9%B4%E5%B8%83%E8%BE%B2%E6%97%8F-%E7%9A%84-%E5%8D%93%E6%A8%82%E9%83%A8%E8%90%BD-%E7%99%BC%E7%94%9F%E8%AD%A6%E5%93%A1%E8%AA%A3%E9%99%B7%E4%BA%94%E5%90%8D%E6%95%99%E6%9C%83%E4%BA%BA%E5%A3%AB%E7%9A%84%E6%89%8B%E6%A6%B4%E5%BD%88%E4%BA%8B%E4%BB%B6%E8%92%99%E4%B8%BB%E6%81%A9%E5%85%B8%E6%B2%88%E9%87%91%E7%A6%8F%E5%BC%B5%E5%9C%8B%E5%93%81%E5%BC%B5%E5%9C%8B%E8%88%88%E9%AB%98%E5%89%87%E9%80%9A%E7%94%B0%E6%A8%B9%E8%97%A4%E7%AD%89%E5%8F%97%E9%9B%A3%E5%89%8D%E8%BC%A9%E5%A0%85%E6%8C%81%E5%80%9A%E9%9D%A0%E4%B8%8A%E5%B8%9D%E5%9C%A8%E7%8D%84%E4%B8%AD%E8%A6%8B%E8%AD%89%E5%A5%87%E8%B9%9F%E4%BA%8B%E4%BB%B6%E7%B5%90%E6%9D%9F%E5%BE%8C%E5%9B%9E%E6%AD%B8%E9%83%A8%E8%90%BD/1470436901775948/), kap Tiong-hoa-bîn-kok Hù-chóng-thóng [Siau Bí-khîm](https://newtalk.tw/news/view/2026-08-15/1053642?ref=taitokchi.com), í-ki̍p Ciban Istanda (Ô͘ Bān-sêng) bo̍k-su lóng hù kàu-hōe chham-ka.

Chit-hō Pa̍t-á-tôaⁿ Sū-kiāⁿ, góa chiàu Hoa-liân "[KENG-SENG JI̍T-PÒ](https://www.ksnews.com.tw/e/130553?ref=taitokchi.com)" ê siau-sit kì tī ē-bīn. Nā chiàu Toh-lo̍k Kàu-hōe ê chu-liāu. Su-tong-sî chi̍t-ūi hō-chò [Î Pó-tông](https://www.dropbox.com/scl/fi/dr79w1k5a30xzxbjvh1fi/Screenshot-2026-08-15-at-19.17.40.png?rlkey=lj8y6ruv7oi2l2apxlhqu8kg3&dl=0&ref=taitokchi.com) ê kéng-chhat in-ūi kap kàu-hōe soan-tō [Sím Kim-hok](https://www.pct.org.tw/ChurchHistory.aspx?strOrgNo=C18009&ref=taitokchi.com) kiat oan-siû, tō kā pa̍t-á-tôaⁿ kap hoán-khòng ê bûn-kiāⁿ tè ji̍p-khì kàu-hōe ê kong-bûn phoe-lông. I chiū kā só͘-ū ê mi̍h-kiāⁿ chhàng tī Sím Kim-hok bîn-chhn̂g té.

Tāi-chì tō tōa-tiâu ah! I koh khan-thoa Tiuⁿ Kok-phín, Tiuⁿ Kok-heng, Tiân chhiū-tîn, Ko chek-thong chia-ê tiúⁿ-ló kap chip-sū, kā in tòng-chò chún-pī beh poān-loān ê chōe-jîn. Lóng-chóng 5 lâng hō͘ kéng-chhat lia̍h-khì [Gio̍k-lí hun-kio̍k](https://news.ipcf.org.tw/149369?ref=taitokchi.com) lêng-tī. Ēng chiam tu chéng-thâu-á, koàn kiâm-chúi, khah tah Sèng-keng. Chóng-sī in lóng bô-beh sêng-jīn in beh hoán-khòng. Koaiⁿ 8 kang liáu pêng-an tò-tńg-lâi.

Chá-sî-á tī [Bunun](https://newtalk.tw/news/view/2026-08-15/1053642?ref=taitokchi.com) (Bu-lun) Tiong-hōe, Takluk (Toh-lo̍k) Kàu-hōe mn̂g-khah-kháu, [siat-li̍p kì-liām-pi](https://www.chinatimes.com/realtimenews/20260815001886-260407?chdtv&ref=taitokchi.com). Kā tāi-chì ê keng-kòe kì tī chio̍h-á-téng. Hù-chóng-thóng mā thàu-kòe "hôe-hok bêng-gū" ê chèng-su kau hō͘ 5 ê siū-lān ê lâng kap in ê ka-cho̍k-á. Ǹg-bāng ē-tàng thàu-kòe án-ni pêng-hoán in éng-kòe ê khó͘-lān.