> ## Content Index
> Fetch the complete content index at: https://chhutthauth.in/llms.txt
> Use this file to discover other available public pages before exploring further.

# TENG-ÊNG SU-Īᴺ HŌ͘ CHHIÚᴺ-SIONG O͘-PE̍H SIU-LÍ
- URL: https://chhutthauth.in/teng-eng-su-i-ho-chhiu-siong-o-peh-siu-li/
- Published: 2026-08-30T06:23:37.000Z
- Updated: 2026-08-30T06:25:29.000Z
- Description: Bô choan-ka, sai-hū tī hiān-tiûⁿ, kang-lâng tō ti̍t-chiap o͘-pe̍h siu-lí, koh lòng-phòa mi̍h-kiāⁿ. Lâm-tâu-koān í-keng iau-kiû chhiúⁿ-siong ài chhú-lí hó-sè.
- Author: TIATLÊNG
- Tags: SIN-BÛN, BÛN-HÒA, LÂM-TÂU

Tī Chháu-tūn ū beh 180 tang le̍k-sú ê "[Teng-êng Su-ī](https://www.dysy.org.tw/?ref=chhutthauth.in)ⁿ" tùi kū-nî 2025 bóe siu-lí, chòe-kūn tē-hng jîn-sū hoat-kiàn bauh kang-têng ê chhiúⁿ-siong teh o͘-pe̍h siu-lí. Í-keng thong-ti Lâm-tâu koān-chèng-hú. Chit lé-pài mā chhiáⁿ lâng kàu hiān-tiûⁿ tiau-cha, hoat-kiàn chhù-bóe-téng kap chng-thaⁿ ū sún-hāi, kài bô téng-chin teh siu-lí. Te̍k-pia̍t sī bô chhiáⁿ choan-ka tī hiān-tiûⁿ, tō [hō͘ kang-lâng ka-tī siu-lí](https://news.ltn.com.tw/news/life/paper/1768655?ref=chhutthauth.in).

Teng-êng Su-īⁿ ê chiân-seng pún-chiâⁿ sī Chheng-kok Koaⁿ-hú khí-ê [Hoan-jîn Ha̍k-hāu](https://zh.wikipedia.org/zh-tw/%E5%9C%9F%E7%95%AA%E7%A4%BE%E5%AD%B8?ref=chhutthauth.in), āu-lâi thàu-kòe chāi-tē Pak-tâu ê thâu-lâng tàu chông-chîⁿ, kà Hàn-ha̍k ê só͘-chāi. Kàu Ji̍t-pún sî-tāi Kong-ha̍k-hāu sêng-li̍p liáu, chia tō chiâⁿ-chò kan-taⁿ pái-pái teh ēng ê só͘-chāi.

Bûn-hòa Chu-sán m̄-sī kan-taⁿ chèng-hú chhut-chîⁿ siu-lí tō-hó, nā bô bîn-chiòng hoat-kiàn hoān-sè chhiúⁿ-siong kā mih-á ēng pháiⁿ mā bô-lâng chai. Chit-pái, koān-chèng-hú í-keng thong-ti chhiúⁿ-siong tō-ài siu-lí hó-sè, bē-tàng bô chiàu kui-tēng kiâⁿ.