> ## Content Index
> Fetch the complete content index at: https://chhutthauth.in/llms.txt
> Use this file to discover other available public pages before exploring further.

# THÔ-HN̂G BÚ-LÊNG-KIÔ TENG-LIO̍K LE̍K-SÚ KIÀN-TIOK
- URL: https://chhutthauth.in/tho-hng-bu-leng-kio-teng-liok-lek-su-kian-tiok/
- Published: 2026-08-22T14:28:53.000Z
- Updated: 2026-08-22T14:28:53.000Z
- Description: Keng-kòe 10 tang, chóng-sǹg the̍h-tio̍h bûn-hòa chu-sán sin-hūn thang pó-chûn. Ū khek Tāi-chèng 7 nî ê kiô, thang kā tē-hng kong-lō͘-sú chò kiàn-chèng.
- Author: TIATLÊNG
- Tags: SIN-BÛN, THÔ-HN̂G

10 tang chêng, in-ūi teh chò [kang-têng](https://www.tycg.gov.tw/NewsPage%5FContent.aspx?n=10&s=300564&ref=taitokchi.com) pún-chiâⁿ beh thiah-tiāu ê "[Bú-lêng-kiô](https://udn.com/news/story/7324/9707684?ref=chhutthauth.in)," tī kin-nî tit-tio̍h Thô-hn̂g Chhī-chèng-hú ê ún-chún. Bûn-hòa Chu-sán sím-cha, 15 ê úi-oân kan-taⁿ 1 lâng hoán-tùi.

Chit-hō kiô, chiàu téng-bīn ê jī khek "BÎN-KOK 7 NÎ," m̄-kú sī chiàn-āu Tiong-hoa-bîn-kok khì Ji̍t-pún ê chèng-chhek. Goân-té eng-kai sī siá "TĀI-CHÈNG 7 NÎ" ê hàn-jī. Thàu-kòe bûn-sú-kài kap [Bú-lêng Ko-tiong](https://www.epochtimes.com.tw/n135713/%E6%A1%83%E5%9C%92%E8%B7%A8%E6%99%82%E4%BB%A3%E5%8F%A4%E8%B9%9F-%E6%AD%A6%E9%99%B5%E6%A9%8B%E6%80%A5%E5%BE%85%E4%BF%AE%E5%BE%A9.html?ref=taitokchi.com) ê sin-seⁿ cheng-chhú, liâm-piⁿ tō thêng-kang. Mā kā kiô pó-chûn hō͘ hó, bē-sái tín-tāng. Soah tán 10 tang liáu-āu chiah thang tit-tio̍h bûn-chu sin-hūn.

Nā chiàu tē-hng thoân-thé ê [hun-hióng](https://www.facebook.com/100063945014263/posts/%E5%B0%88%E9%A0%81%E7%AC%AC%E4%B8%80%E7%AF%87%E4%BE%86%E4%BB%8B%E7%B4%B9%E6%A1%83%E5%9C%92%E6%9C%80%E8%80%81%E7%9A%84%E4%B8%89%E5%BA%A7%E6%B0%B4%E6%B3%A5%E6%A9%8B%E6%9C%80%E8%80%81%E7%9A%84%E6%98%AF%E5%BB%BA%E6%96%BC1917%E5%B9%B4%E5%A4%A7%E6%AD%A3%E5%85%AD%E5%B9%B4%E4%B9%9F%E6%98%AF%E6%B0%91%E5%9C%8B6%E5%B9%B4%E7%9A%84%E5%A4%A7%E6%A8%B9%E6%9E%97%E5%9D%91%E6%A9%8B%E5%A4%A7%E6%A8%B9%E6%9E%97%E5%9D%91%E6%A9%8B%E6%93%9A%E6%A1%83%E5%9C%92%E7%B8%A3%E7%B8%A3%E5%AE%9A%E5%8F%A4%E8%B9%9F%E9%BE%9C%E5%B4%99%E5%B6%BA%E9%90%B5%E9%81%93%E9%81%BA%E6%A7%8B%E8%AA%BF%E6%9F%A5%E7%A0%94%E7%A9%B6%E6%9A%A8%E4%BF%AE%E5%BE%A9%E8%A8%88%E7%95%AB%E5%A0%B1%E5%91%8A%E6%9B%B8%E8%AA%8D%E7%82%BA%E9%80%99/109042224051647/), chāi-tē-lâng in-ūi kám-siā Bú-lêng-á chiong-kun só͘-í kā tē-hō-miâ hō-chò Bú-lêng. Chit-hō kiô mā tong-jiân tō hō-chò Bú-lêng-kiô. Chóng-sī lán chai-iáⁿ chit-hō kiô í-keng chhiau-kòe 100 tang ê le̍k-sú. Koh ē-tàng kā chāi-tē kong-lō͘ hoat-tián-sú chò kiàn-chèng.