1988 CHIŪᴺ KE-THÂU CHÊNG SENG TĪ KHONG-TIONG SIONG-HŌE
1988 tī Tâi-oân ū teh hòng-sàng Kheh-ōe ê chiat-bo̍k. Thóng-kè ta̍k lé-pài kan-taⁿ 48 tiām-chēng. Jî-chhiáⁿ mā m̄-sī ta̍k só͘-chāi lóng thiaⁿ-ē-tio̍h.
Hō͘ lâng tòng-chò sī Tâi-oân kái-giâm liáu, thâu chi̍t-ê ūi-tio̍h ka-tī cho̍k-gí hoah-siaⁿ, chiūⁿ ke-á-lō͘ ê iû-hêng ê "HÊNG GÓA BÚ-GÍ ŪN-TŌNG," hoat-seng tī 1988 nî 12 goeh 28. Bîn-chiòng chhiú-gia̍h Sun Bûn ê siōng, ná hoah "Hêng-góa Kheh-o͘ē." 2022, chit-kang mā tī Bîn-chìn-tóng chit-chèng sî, tēng chò "Choân-kok Kheh-ka Ji̍t." M̄-kú, tī chiūⁿ ke-thâu chìn-chêng. Hoán-khòng ê siaⁿ-im chá tō tī khong-tiong teh saⁿ-kap siong-hōe ah.
Iûⁿ Kok-him tī "Kheh Sin-bûn" hoat-piáu chi̍t-phiⁿ "1988 Tâi-oân Kheh-gí Kong-pò Chiat-bo̍k" ê bûn-chiuⁿ, hō͘ lán ē-tàng thé-hōe Kheh-lâng hit-chūn ê khì-hun. Thàu-kòe la-ji-oh hòng-sàng ka-tī ê gí-giân: ū Thô-hn̂g Seng-siaⁿ Tiān-tâi ê "Kheh-ka chi Siaⁿ," Tâi-kóng Sin-tek-tâi "Kheh-ka Iā-ōe," Tiong-kóng Biâu-le̍k-tâi ê "Kheh-lâng-chng." Chú-chhî-jîn ê siaⁿ-im chú-iàu tī Tek-lâm, Biâu-le̍k. Sīm-chì Ho̍k-heng Hoa-liân-tâi mā-ū "Kheh-ka Thiⁿ-tōe" ê tan-goân.
Ian Shepherd
Tāi-ke kám-ū teh siáu thiaⁿ hiān-tāi ê la-ji-oh?
Hiān-chhú-sî ê 2026, sè-kài kok-tē tng-teh sî-kiâⁿ 90 nî-tāi, lūi-sū ê mûi-thé Phó͘-kheh-sut (Podcast) mā tńg-lâi chú-liû ê thoân-pò ke-si chi it. Kiú-khòng nî-tāi ê tē-hā tiān-tâi m̄-nā kā gí-giân, cho̍k-kûn ê bûn-hòa thòaⁿ lo̍h-khì. Mā thè chò-sit-lâng, chò-kang-á-lâng, sèng-piat, siā-hōe, bîn-chú gī-tê ho̍k-bū. Tī "Tâi-oân Choân-bīn An-choân Chí-ín" mā ū kì, nā tú-tio̍h chiàn-cheng, ā-sī chai-hāi sî bô bāng-lō͘ thang ēng, kóng-pò (la-ji-oh) iáu-sī kài tiōng-iàu ê pò hong-siaⁿ ê ke-si. M̄-thang khòaⁿ-khin chit-hō mih-á.
