GÎ-LÂN HOÁN LA̍K-KHIN 40 TANG

Ē-káng ū Āu-ngē hoán-tùi Gō͘-khin, Gî-lân mā ū chāi-tē-lâng khiā chhut-lâi bô-ài La̍k-khin ê khòng-cheng. Tâi-sok pún-chiâⁿ beh tī Lī-ti̍k-kán khí iû-chhiúⁿ, m̄-kú in-ūi án-ni ê kang-chhiúⁿ ē chō-chiâⁿ chiok tōa ê ù-jiám, bîn-chiòng kap bîn-ì tāi-piáu khiā chhut-lâi hoán-tùi. Sêng-li̍p Kat-má-lán cha̍p-chì, kap chèng-hú oan.

Chit-hō oa̍h-tōng lo̍h-bóe khai 5 tang sî-kan sêng-kong ah! Āu-lâi La̍k-khin sóa khì Hûn-lîm Be̍h-liâu. Bô liáu-kái, bô chu-goân ê Be̍h-liâu thó-hái-lâng, keng-kòe kúi-â nî, hoat-kiàn hî-á ná-lâi-ná chió, tōa-lâng gín-ná sin-thé ná-lâi-ná bái. Sî-kan chèng-bêng, chit-hō iû-chhiúⁿ sī chin-chiàⁿ ē éng-hióng khoân-kéng kap lâng ê kiān-khong.

Lâm-pak kiâⁿ ke-á-lō͘, thàu-kòe cha̍p-chì, kap chèng-tóng khòng-gī. M̄-nā sī ūi-tio̍h ka-tī ê chhù, chhù-lāi-lâng, koh siūⁿ-beh pó-hō͘ khoân-kéng kap seng-thài. Chia-ê siā-hōe ūn-tōng mā éng-hióng lo̍h-bóe bîn-chú hoat-tián. Tùi kin-á-ji̍t khai-sí, tī Gî-lân Chû-nâ Ki-kim-hōe ū tián-lám hō͘ tāi-ke liáu-kái 40 tang chêng ê le̍k-sú.