BÎN-CHIÒNG-TÓNG CHHŌA-THÂU KÎ-SĪ CHHIÚ-GÍ
Bîn-chiòng-tóng Tân Tì-hâm kap Khó͘ Hú ēng m̄-tio̍h ê chhiú-gí "pe̍h-chhi" lâi khau-sé Sím Pe̍k-iông "Tâi-pak sūn khí-lâi," hō͘ ta̍k-ê kóng bô chúi-chún.
Tâi-oân Bîn-chiòng-tóng Li̍p-hoat-īⁿ Tóng-thoân chú-jīn Tân Tì-hâm tī in khan-chhiú ê Iú-thū-bí siāng-sî hòng-sàng sî, chiong Sím Phek-iông ê "Tâi-pak Sūn khí-lâi" tòng-chò sī "pe̍h-chhi." M̄-nā bô lí-kái Tâi-oân chhiú-gí ê hoat-tián, koh hō͘-lâng mē che ū-kàu bô chúi-chún, kā lâng kî-sī.
Chá-chêng bat chò-kòe Tong-sim chú-pò, koh sī Tâi-pak chhī tē 3 soán-khu (Siông-san, Sìn-gī) ê Khó͘ Hú chò-hóe teh soan-thoân soán-kí ê chiat-bo̍k tiong, chhùi kóng pe̍h-chhi, chhiú pí Tâi-pak sūn khí-lâi. Khó͘ Hú bô sûi-sî kā chit-ê tōng-chok tòng teh, koh ēng Tiong-kok-ōe kóng: "Ū-kàu hó-chhiò." Í-keng tek-sit kài-chē jio̍k-sè ê lâng kap ka-têng.
Lán ài siūⁿ khòaⁿ-māi, chóaⁿ-iūⁿ nn̄g-ūi lóng bat chò-kòe mûi-thé ê lâng liân chit-hō ki-pún ê tì-sek tō bô? Sī in chheh tha̍k bô kàu-gia̍h, ā-sī tī sin-bûn-tâi bô siū thiàⁿ jio̍k-sè ê hùn-liān? Kin-á-ji̍t chiah-ū hoat-tō͘ ēng án-ni ê hong-sek lâi khi-hū bô hoat-tō͘ thiaⁿ-kìⁿ ê lâng. Chhiú-gí sin-seⁿ A-sìn mā tah chi̍t-ê iáⁿ-phìⁿ hôe-èng: "Bô chúi-chún."
