CHÈNG-TĪ TÒNG-ÀN SIÁ-Ê BÔ IT-TĒNG TŌ-SĪ SŪ-SI̍T
Kin-nî, Kok-an-kio̍k só͘-ū ki-bi̍t tòng-àn kái-bi̍t kau-hō͘ Tòng-àn-koán. Tng ta̍k-ê teh lia̍h jiáu-pê-á-sî, chhiáⁿ tāi-seng o̍h ē-hiáu án-ná kái-tho̍k chèng-hú chu-liāu.
Kīn-lâi, bē-chió lâng khai-sí teh lia̍h jiàu-pê-á. Tiong-bûn ū chi̍t-ê sin ê bêng-sû hō-chò "Tóng-kok Hia̍p-le̍k-chiá," ì-sù tō-sī tī Kài-giâm sî-tāi thè ui-khoân chèng-hú, Tiong-kok Kok-bîn-tóng hōaⁿ-ê Tiong-hoa-bîn-kok tàu-saⁿ-kāng ê lâng.
Tāi-chì sī tùi kin-nî 2 goe̍h Kok-an-kio̍k kā só͘-ū ki-bi̍t tòng-àn kái-bi̍t. M̄-kú, nā m̄-sī ē-hiáu tha̍k tòng-àn, ā-sī m̄-bat chò-kòe le̍k-sú gián-kiù ê it-poaⁿ bîn-chiòng, hoān-sè ē lia̍h m̄-tio̍h lâng khì.
8 goe̍h chhe 10 bat-ū bîn-chiòng tâu-kó khì "CHŪ-IÛ SÎ-PÒ" ê "CHŪ-IÛ PHÊNG-LŪN-BĀNG" lūn "Sòaⁿ-bîn (jiàu-pê-á) kám-ài kā i ê chióng bán-khì?" M̄-nā 4 goe̍h Lo̍h Bú-chhiong (Tiong-kok Kok-bîn-tóng Chú-se̍k Tēⁿ Lē-bûn ê Khan-chhiú) hō͘ lâng chhōe-chhut, hoān-sè i sī thè Tiau-cha-kio̍k tī ha̍k-hāu kā kâng kàm-sī ê sin-lô. 7 goe̍h koh pò kóng Bîn-chú Chìn-pō͘-tóng li̍p-úi Ông Tēng-ú mā tī tòng-àn lāi-té ū kì i ê pún-miâ.
Tòng-àn-koán kap Jîn-khoân-koán ūi-tio̍h hō͘ lâng thang liáu-kái chia-ê bûn-kiāⁿ, chò-hóe pān oa̍h-tōng, kà ta̍k-ê án-ná tha̍k, án-ná chèng-tī, le̍k-sú, kok-ka tòng-àn. Koh kiông-tiau lán ài chai-iáⁿ, tòng-àn ū-sî chu-liāu bô oân-choân, kì-ê jī mā bô it-tēng tō-sī sū-si̍t. Sīm-chì tāi-to-sò͘ ê bûn-kiāⁿ lóng-sī khiā ka-hāi-chiá ê li̍p-tiûⁿ lâi siá-ê. Tō Chhian-bān m̄-thang o͘-pe̍h khòaⁿ-tio̍h o͘-iáⁿ tō khui-chhèng. Ài keng-kòe tiau-cha, pí-kàu bîn-kan kî-thaⁿ ê chu-liāu. Án-ni, chiah-ū hoat-tō͘ chèng-bêng khah oân-chéng ê le̍k-sú pōe-kéng.
Mā mài pàng bē-kì-tit, tû-liáu teh tàu-saⁿ-kāng ê lâng. Siōng chheng-chhó͘ ê ui-khoân: Tiong-kok Kok-bîn-tóng, iáu-koh tī-teh. Hōaⁿ kài-giâm sî-tāi ê Chiúⁿ-ka mā iáu hō͘ Tiong-hoa-bîn-kok ho̍k-sāi. Tō chhiáⁿ lia̍t-ūi tho̍k-chiá chim-chiok kā tòng-àn khòaⁿ-hō͘ siông-sè, kî-thāi lán ē-tàng chi̍t-pō͘ chi̍t kha-ìn, kā Choán-hêng Chèng-gī ê lō͘ pháng hō͘ hó-sè.
