SIN-Ê TÂI-LÂM CHHIA-THÂU KHAI-HÒNG
Tâi-lâm-lâng tán chiâⁿ-kú ê thih-ki-lō͘ tē-hā-hòa, chóng-sǹg tī 10 goe̍h tiong beh thong-chhia ah! Kài-chē lō͘-kháu lóng-ē thiah-tiāu.
Hú-siâⁿ Tâi-lâm kin-á-ji̍t ngiâ-chih sin hóe-chhia-thâu khai-hòng ê chi̍t-kang. Sui-bóng ài tán kàu 10 goe̍h tiong, thih-lō͘ chia-ē thong, m̄-kú hiān-chhú-sî goe̍h-tâi í-keng chò hō͘ hó, sin-ê chhia-thâu mā chéng-lí hó-sè ah!
Chóng-thóng Lōa Chheng-tek, chhī-tiúⁿ N̂g Úi-tiat lóng lâi chham-ka khui-bo̍k. Lōa Chheng-tek te̍k-pia̍t kap tòa tī thih-lō͘ piⁿ ê chhī-bîn hōe sit-lé, Lâm-thih tē-hā-hòa tī chá-chêng chō-chiâⁿ kài-chē khòng-cheng ê būn-tê.
Tē-hòa-hā ê kang-têng lóng-chóng tn̂g 8.23 kong-lí, ē koh cheng-ka Lîm-sim, Lâm Tâi-lâm nn̄g-ê chhia-thâu. Ē kā 8 ê thih-ki-tòng lō͘-kháu, 8 ê pōng-khang, 5 ê kiô thiah-tiāu, hō͘ bîn-chiòng m̄-bián koh pha̍k-ji̍t, siàm-hō͘.
