HÊNG-CHÈNG-Īᴺ HÔE-ÈNG CHOÁN-HÊNG CHÈNG-GĪ Ī-SǸG HŌ͘ NÂ-PE̍H THÂI-LIÁU-LIÁU
Tō sǹg-kóng 1,315 bān ê Choán-hêng Chèng-gī ī-sǹg bô ah, in mā ē kè-sio̍k sak chia-ê sū-kang. Bē kā kha-pō͘ thêng-lo̍h-lâi.
Tiong-hoa-bîn-kok le̍k-sú siōng thoa siōng-kú ê Tiong-iong Chèng-hú ī-sǹg, tī goe̍h-tiong sam-tho̍k. Kî-tiong Hêng-chèng-īⁿ ê "Jîn-khoan kap Choán-hêng Chèng-gī" ī-sǹg hō͘ Tiong-kok Kok-bîn-tóng kap Tâi-oân Bîn-chiòng-tóng thâi-liáu-liáu. Hō͘ bîn-kan thoân-thé phoe-phêng Tâi-oân bîn-chú kap jîn-khoân tò-thè-lu.
Iú-koan 2026 nî-tō͘, 1,315 bān beh ēng-lâi sak Choán-hêng Chèng-gī ê chîⁿ bô-khì. Hêng-chèng-īⁿ kin-á-ji̍t hôe-èng bîn-kan ê siaⁿ-im. Tō sǹg-kóng bô chîⁿ thang ēng. Mā-ē tī iú-hān ê chu-goân kè-sio̍k chò siong-koan ê kè-e̍k. Chiàu ha̍p-hoat kap ū hōe-pò ê hoat-tō͘ pháng chia-ê sū-kang. Mā siat-tēng bī-lâi 2027 kàu 2030 ê 3 ê tōa bo̍k-phiau: kā le̍k-sú chin-siòng tiau-cha chheng-chhó͘, kái-siān chèng-hú éng-kòe chò m̄-tio̍h ê tāi-chì, kap pó-hō͘ bîn-chú thé-thè.
Jîn-khoân-chhù tùi 2022 khai-sí ūn-chok liáu, í-keng lóng ū kā chò hō͘ hó ê tāi-chì kong-khai khǹg tī bāng-chām. Sòa-lo̍h-lâi, bē in-ūi siū chîⁿ ê sok-pa̍k tō bô beh kè-sio̍k chò Choán-hêng Chèng-gī ê sū-kang.
