KA-GĪ PI-Á-THÂU SIŪ-HÛN-PI TÁN-THĀI BÛN-CHU SIN-HŪN
Tiong-goân Phó͘-tō͘, m̄-nā khoán-thāi hó-hiaⁿ-tī. Ka-gī chia iáu-koh pó-chûn pài gû, ti, ke chia-ê tōng-bu̍t ê koàn-sio̍k.
Chhàng-tī Ka-gī Pi-á-thâu Kong-hn̂g lāi-té ê "SIŪ-HÛN-PI," tī 1938 (Chiau-hô 13 nî) siat-li̍p. Su-tong-sî, chit-tàⁿ sī thâi-ti thâi-gû ê só͘-chāi. Ji̍t-pún-lâng ê siong-hōe siat chit-hō pi, lâi kì-liām hi-seng ê gû kap ti. Chāi-tē-lâng āu-lâi kā i hō-chò Siū-hûn-kong, Siū-hûn-má. Tī 1988 thâi cheng-seⁿ ê kang-chhiúⁿ sóa-cháu chìn-chêng, iáu-koh ū lâng teh pài. Chit-má kan-taⁿ chhun chá-sî-á chò ūn-tōng ê lâng, ū-sî ē lâi liam-hiuⁿ. Sǹg-sǹg teh, chit-ê pi mā 88 tang ah!
Tī Chhit-goe̍h cha̍p-gō͘ chìn-chêng, tē-hng ǹg-bāng chèng-hú ē-sái kā chit-hō pi pó-chûn lo̍h-khì, hō͘ i ū chi̍t-ê bûn-hòa chu-sán ê sin-hūn. Chhī-chèng-hú hôe-èng, nā ū lâng ā-sī thoân-thé thê-kióng chu-liāu, sin-chhéng, lóng ē chiàu hoat-lu̍t lâi kiâⁿ.
Ka-gī chia kán-ná iáu-koh pó-chûn pài siū-hûn-pi ê koàn-sio̍k. Chhe-it sî, Thài-pó mā-ū chèng-hú thoân-thé chhōa-niá kì-liām. M̄-nā phó͘-tō͘ lâng, mā phó͘-tō tōng-bu̍t. Tiāⁿ-tio̍h kap chāi-tē sán-gia̍p hoat-tián ū chin-tōa ê koan-hē tī-teh.
