KAN-TAᴺ HÚ-SIÂᴺ PHÓ͘-TŌ͘ CHIAH-Ū Ê BÍ-KO-CHHIÁN
Ē-tàng chia̍h ê bûn-hòa chu-sán! Kan-taⁿ kū-le̍k 7 goe̍h phó͘-tō͘ pài-pài chiah ū ê Bí-ko-chhián, kā chhoe-kóe ê le̍k-sú thòaⁿ lo̍h-khì.
Kin-nî sin-le̍k chhit-goe̍h hō͘ Tâi-lâm chhī chèng-hú lia̍t-chò bûn-hòa chu-sán ê "Bí-ko-chhián" kan-taⁿ tī Phó͘-chè-tiān thâu-chêng ê N̂g-ka ū teh chò, bo̍k-chiân í-keng thoân-sêng saⁿ-tāi ah! N̂g Tông-san kap N̂g Thài-lông mā hō͘ bûn-hòa-kio̍k jīn-tēng chò ki-su̍t pó-chûn ê sai-hū.
Nā khòaⁿ An-pêng Sêng-hông Biō, Lo̍k-ní-mn̂g Sèng-bó͘-biō chiah ē chò-khah tōa oa̍h-tōng ê keng-biō, lóng it-tēng ē kap in N̂g-ka kiò Bí-ko-chhián. M̄-nā kā Tâi-oân chia̍h-bí, chhoe-kóe ê bûn-hòa thòaⁿ lo̍h-khì, koh ū kang-hu kap bîn-sio̍k, sìn-gióng ê kè-ta̍t.
2025 in-ūi khiàm ti, Si-la-iah bô ti thang-pài. N̂g-ka mā sio-thīn, ēng bí chò ti ê hêng hō͘ in thang pài-pài. Sī chin bô kán-tan ê ha̍p-chok, mā kiōng-tông pó͘-hō͘ chāi-tē thoân-thóng bûn-hòa.
