NÂ-PE̍H LI̍P-ÚI KĀ TÓNG-SÁN-HŌE Ī-SǸG THÂI LIÁU-LIÁU
Tiong-kok Kok-bîn-tóng kap Tâi-oân Bîn-chiòng-tóng kā Tóng-sán-hōe ī-sǹg thâi liáu-liáu. Hō͘ in bô-la̍t thang kè-sio̍k pháng.
Li̍p-hoat-īⁿ téng lé-pài 5, chóng-sǹg thong-kòe Tiong-hoa-bîn-kok le̍k-sú siōng sím-cha siōng-kú ê Tiong-iong Chèng-hù Chóng Ī-sǹg Àn. Tiong-kok Kok-bîn-tóng kap Tâi-oân Bîn-chiòng-tóng kā Tóng-sán-hōe chèng-bū jîn-oân ê sin-súi thâi 262.9 bān, koh kiam kiám chi̍t-pòaⁿ ê gia̍p-bū-hùi. Tóng-sán-hōe èng kóng, án-ni ē tùi hōe ê tiau-cha, phah koaⁿ-si chō-chiâⁿ giâm-tiōng ê éng-hióng.
Gia̍p-bū-hōe hō͘ Ná-Pe̍h li̍p-úi thâi 996 bān 3 chheng kho͘, chèng-bū jîn-goân sin-súi 262 bān 9 chheng kho͘ choân-pō͘ mā thâi-tiāu, it-poaⁿ sū-bū-hùi, kok-gōa lú-hùi, te̍k-pia̍t-hùi choân-pō͘ lóng thâi-tiāu. – CHŪ-IÛ SÎ-PÒ
Kin-nî 3 goe̍h kap 7 goe̍h sio-liân-sòa hō͘ Siōng-koân Hêng-chèng Hoat-īⁿ pok-hôe, hō͘ Tiong-kok Kok-bîn-tóng nn̄g-àn ê 11 ek kap 32 ek lóng m̄-bián hêng hō͘ chèng-hú.
Tùi 2016 khai-sí ūn-chok ê Tóng-sán-hōe, cha̍p-tang āu. Bīn-tùi choân-bīn bô ī-sǹg thang pháng, thang chò tāi-chì ê chêng-hêng. Sǹg-sī Choán-hêng Chèng-gī tò-thè-lu ê chi̍t-ê siau-sit. Mā chèng-bêng Tâi-oân ê bîn-chú kap chèng-tī bô kiān-khong, sî-sè ná-lâi-ná bái.
