TÂI-THIH BEH KHAI-HÒNG ĒNG CHHIÚ-KI-Á PÓ͘ CHIAH-PHIÒ CHÎᴺ
Í-āu bô chah hiān-kim tī sin-khu-téng mā ē-tàng ēng chhiú-ki-á lâi pó͘ chhia-phiò. Tâi-thih kóng chit-kò-goe̍h ē khai-hóng chit-ê ho̍k-bū.
Hiān-chhú-sî lán tī Tâi-thih chhia-téng nā beh pó͘ chhia-phiò chîⁿ, kan-taⁿ ē-tàng la̍p hiān-kim. Kun-kú Tiong-iong-siā ê siau-sit, chit-kò-goe̍h beh khai-hòng ēng chhiú-ki-á la̍p-chîⁿ ê hoat-tō͘.
Bo̍k-chêng ē chiàu lán tī chhia-thâu pó͘-phiò ê hong-sek, ē-tàng ēng Pi chîⁿ-pau-á, iPASS Money, Tâi-oân PAY téng-téng ê ke-si lâi la̍p-chîⁿ. Siông-sè ê hong-sek kap sî-kan ài-tán chit-kò-goe̍h chhì-giām liáu chiah kong-pò.
Nā khòaⁿ thóng-kè, chhia-téng pó͘-phiò ê liōng tāi-khài ta̍k kò goe̍h 4.8 bān pái. Bat-ū chi̍t-kóa chē-chhia ê lâng-kheh in-ūi sin-khu-téng bô chah hiān-kim, bô hoat-tō͘ sûi-sî pó͘-phiò. Ǹg-bāng chit-ê ho̍k-bū ē-tàng hō͘ koh-khah chē lâng khah lī-piān lâi pó͘-phiò.
_(53922676453).jpg){kind=link}