THÔ͘-KHÒ͘ NÁ-Ē BÔ THN̂G-CHHIÚᴺ?
Chheng-kok sî-ki thn̂g-phō͘ tōa hoat-tián ê Thô͘-khò͘, ná-ē tī Ji̍t-pún sî-tāi bô siat thn̂g-chhiúⁿ? Sīm-chì koh chō-chiâⁿ hiān-chhú-sî ê sán-gia̍p hoat-tián?
Tùi 8 goe̍h 29 kàu 10 goe̍h 11 tī Thô͘-khò͘ Bān-tek I-īⁿ ū pān chi̍t-ê tián-lám-hōe hō-chò "Ūi sím-mi̍h Thô͘-khò͘ bô chè-thgn̂-só͘." Sī tē-hng kap Hûn-lîm Kho-tāi chò-hóe thàm-thó chāi-tē le̍k-sú hoat-tián ê kòe-têng.
Tī 1897 Thô͘-khò͘ iáu koh sī Tâi-oân chò chhiah-thn̂g chiân 4 miâ ê só͘-chāi, ū chē-chē thn̂g-phō͘, soah in-ūi Tōa-ji̍t-pún Chè-thn̂g Hōe-siā tī 20 sè-kí thâu kā kang-chhiúⁿ siat tī Gō͘-keng-chhù (Chit-má ê Hó͘-bóe), hō͘ nn̄g-ê chng-thâu sòa-lo̍h-lâi le̍k-sú hoat-tián kiâⁿ-hiòng bô-kâng ê nn̄g-tiâu lō͘.
Su-tong-sî, Thô͘-khò͘-lâng hoán-tùi kā thó͘-tē bē hō͘ chèng-hú, koh in-ūi Gō͘-keng-chhù hō͘ 1898 chò tōa-chúi, chhiong chhut chi̍t-phiàn thó͘-tē. 1906 Mûi-san tē-tāng kā Thô͘-khò͘ ê thn̂g-phō͘ hāiⁿ hō͘ pháiⁿ. Bóe-á thn̂g-chhiúⁿ tō kéng tī-teh Gō͘-keng-chhù ah.
Thó͘-khò͘ kî-si̍t hoat-tián kah 60, 70 nî-tāi iáu koh hō͘ lâng kóng kài lāu-jia̍t, soah tī 80 nî-tāi liáu-āu jú-lâi-jú bô-la̍t. Hoān-sè, chò thn̂g ê sán-gia̍p, sī chi̍t-ê chiâⁿ-tōa ê le̍k-sú goân-in.
