GOE̍H-KÁNG BÚ-BIŌ ENG-ÀM POAᴺ-HÌ
Eng-àm 19:00 tī Tiō Kiàn-bêng ê kò͘-hiong Kiâm-chúi ū chi̍t-chhut Pau-kong hì thang khòaⁿ. Ǹg-bāng hō͘ lâng chai-iáⁿ bô-chêng ê lâng ê bóe-lō͘.
Tùi 8 goe̍h té khai-sí it-ti̍t hō͘ mûi-thé pò ê Tiō Kiàn-bêng kàu-io̍k ki-kim sū-kiāⁿ, tek-sit bē-chió lâng. Sīm-chì koh-ū Tâi-lâm-lâng goān-ì the̍h-chîⁿ chhut-lâi pān oa̍h-tōng, lâi kā Tân Hēng-jû sio-thīn. Siōng tiōng-iàu tō-sī chit-hō hō-chò "Cha̍h-bí Gē-su̍t Chiat" sio-liân-sòa ê piáu-ián, chhiáⁿ koa-á-hì thoân poaⁿ po̍k-chêng-lông ê kò͘-sū. Ǹg-bāng hō͘ lâng chai-iáⁿ khi-hū cha-bó͘-lâng ê le̍k-sú.
Eng-àm 9 goe̍h chhe 4, tī Kiâm-chúi Goe̍h-káng Bú-biō sī thâu chi̍t-tiûⁿ piáu-ián. M̄-nā ē-tàng bián-chîⁿ khòaⁿ Pau-kong hì, koh-ū 500 óaⁿ ê ló͘-mī thang chia̍h. Koh-khah tiōng-iàu ê sī, tú-hó kin-á-ji̍t khai-sí thiⁿ-khì khah ún-tēng. Ji̍t-thâu chhut-lâi, tāi-ke m̄-bián tī hō͘ nih khòaⁿ hì.
Chóaⁿ-iūⁿ kéng tī Kiâm-chúi? In-ūi chia sī Tiō Kiàn-bêng ê kò͘-hiong. 9 goe̍h 18 kàu 22 koh-ē ū kài-chē oa̍h-tōng tī Hú-siâⁿ Tâi-lâm kí-pān. M̄-nā kā le̍k-sú kò͘-sū the̍h chhut-lâi kàu-io̍k (chhiūⁿ Nâ-tâu-chí), koh hō͘ thoân-thóng gē-su̍t kap hiān-tāi-lâng chò kiat-liân. Bāng-lō͘ téng í-keng ū bē-chió gōa-tē-lâng sio-chio beh lâi chham-ka.
