IA̍P ÔNG Ê CHOK-PHÍN "CHHIT-HIÂN KÒE-HÁI" TĪ JI̍T-PÚN TIÁN
Lóng-chóng 1 cho͘ 3 kiāⁿ ê chok-phín, 9 goe̍h chhe 5 kàu 12 goe̍h 13 tī Tang-kiaⁿ-to͘ Hiān-tāi Bí-su̍t-koán tián.
Ha̍k-kah Chû-chè-kiong siu-chông ê Chheng-kok sî-kî biō-ang-á chok-phín, liâm-piⁿ tō beh chē poe-lêng-ki khì Ji̍t-pún tián ah.
Chit-pái tián ê chok-phín sī Ia̍p Ông ê "Chhit-hiân Kòe-koan" biō-ang-á. Hō͘ lâng hō-chò Ông sai-ê i, 13 hòe kòe o͘-chúi-kau tī Bîn-hiông khiā-khí. Ji̍t-pún sî-tāi, chèng-hú kā i ê chok-phín the̍h-khì Hoat-kok Bān-kok Phok-lám-hōe. Bat-ū bē-chió lâng kóng tī Tâi-oân, i sī siōng-gâu chò biō-ang-á ê sai-hū.
Chia-ê chok-phín lóng sī Chheng-kok bóe-kî chò ê, m̄-nā sî-tāi pōe-kéng, le̍k-sú kap bí-su̍t lóng ta̍t-tit hō͘ lâng o-ló. Mā sī chi̍t-pái kap Ji̍t-pún kau-liû ê hó ki-hōe.
