TÂI-LÂM TANG-MN̂G-SIÂᴺ PANG-KHÌ

Kin-á-ji̍t chá-sî-á, hō͘ lâng hoat-kiàn Hú-siâⁿ Tōa-tang-mn̂g “Ngiâ-chhun-mn̂g” pang-khì. Chhī-chèng-hú chho͘-pō͘ phòaⁿ-toān, hoān-sè sī in-ūi liân-sòa chò-tōa-chúi ê goân-in, hō͘ chng-á lāi-té chìm-chúi.

Chit-hō hō͘ lâng hō-chò Tâi-lâm siōng gûi-hiám ê îⁿ-khoân-á, in-ūi tiāⁿ-tiāⁿ chhut chhia-hō. Kū-nî tō khai-sí teh chò kang-têng, siūⁿ-beh kái-siān kau-thong būn-tê. Nî-thâu mā í-keng hoat-kiàn kiàn-tiok bô kài-kiông. Chiū án-ni, kin-á-ji̍t hoat-seng chit-khoán ê tāi-chì.

Bē-chió lâng tī bāng-lō͘ siūⁿ-tio̍h, 1955 mā bat in-ūi hong-thai pang lo̍h-lâi. Ū-lâng kóng hit-sî 1949 ê î-bîn kā chia chiàm-niá, khí-chhù. Soah hō͘ siâⁿ-mn̂g teh hō͘ sí. Hián-chhú-sî lán khòaⁿ-tio̍h ê mn̂g, kî-si̍t m̄-sī 300 tang chêng ê hêng. Sī 1975 têng-khí, siu-lí liáu-ê kiàn-châi.

Chit-má bô-tóng ê gī-goân Lí Chong-lîm kiàn-gī kóng, ē-tàng chham-khó Ji̍t-pún Hiông-pún-siâⁿ siu-lí ê hoat-tō͘. Ēng chun-tiōng le̍k-sú kap kho-ha̍k ê hong-sek, chèng-hú tō hó-hó-á liáu-kái pún-chiâⁿ sī seⁿ-chò sím-mi̍h khoán. Mài koh chhong-pōng chhiūⁿ 1975 án-ni o͘-pe̍h siu-lí,