THÔ-HN̂G BÚ-LÊNG-KIÔ TENG-LIO̍K LE̍K-SÚ KIÀN-TIOK
Keng-kòe 10 tang, chóng-sǹg the̍h-tio̍h bûn-hòa chu-sán sin-hūn thang pó-chûn. Ū khek Tāi-chèng 7 nî ê kiô, thang kā tē-hng kong-lō͘-sú chò kiàn-chèng.
10 tang chêng, in-ūi teh chò kang-têng pún-chiâⁿ beh thiah-tiāu ê "Bú-lêng-kiô," tī kin-nî tit-tio̍h Thô-hn̂g Chhī-chèng-hú ê ún-chún. Bûn-hòa Chu-sán sím-cha, 15 ê úi-oân kan-taⁿ 1 lâng hoán-tùi.
Chit-hō kiô, chiàu téng-bīn ê jī khek "BÎN-KOK 7 NÎ," m̄-kú sī chiàn-āu Tiong-hoa-bîn-kok khì Ji̍t-pún ê chèng-chhek. Goân-té eng-kai sī siá "TĀI-CHÈNG 7 NÎ" ê hàn-jī. Thàu-kòe bûn-sú-kài kap Bú-lêng Ko-tiong ê sin-seⁿ cheng-chhú, liâm-piⁿ tō thêng-kang. Mā kā kiô pó-chûn hō͘ hó, bē-sái tín-tāng. Soah tán 10 tang liáu-āu chiah thang tit-tio̍h bûn-chu sin-hūn.
Nā chiàu tē-hng thoân-thé ê hun-hióng, chāi-tē-lâng in-ūi kám-siā Bú-lêng-á chiong-kun só͘-í kā tē-hō-miâ hō-chò Bú-lêng. Chit-hō kiô mā tong-jiân tō hō-chò Bú-lêng-kiô. Chóng-sī lán chai-iáⁿ chit-hō kiô í-keng chhiau-kòe 100 tang ê le̍k-sú. Koh ē-tàng kā chāi-tē kong-lō͘ hoat-tián-sú chò kiàn-chèng.
